शिवबाकडून काहीतरी शिकलं पाहिजे
वात्रटिकाकार श्रीकृष्ण उबाळे यांची शिवजयंती निमित्त खास रचना...!!
शिवबाकडून काहीतरी शिकलं पाहिजे
----------------------------------------------
मोडेन पण वाकणार नाही
कधीच कोठे झुकणार नाही
कोणापाशी हात टेकणार नाही
हे आता बदललं पाहिजे
शिवबाकडून काहीतरी शिकलं पाहिजे
शिवबानेही केला होता तह
झेपावण्यास पुढे,दोन पावले मागे
जातोच कि नाही सिंह?
मागं हाटनं कमीपणा नाही
पायात बळ आणलं पाहिजे
शिवबाकडून काहीतरी शिकलं पाहिजे
महापुरे झाडे जाती
परी लव्हाळे वाचती
शीर सलामत तो पगडी पचास
हे तत्व ध्यानी घेतलं पाहिजे
शिवबाकडून काहीतरी शिकलं पाहिजे
माघार म्हणजे हार नसते
विजयाची खरी धार असते
तयारीचा निर्धार असते
हे सूत्र ध्यानी बसलं पाहिजे
शिवबाकडून काहीतरी शिकलं पाहिजे
मोडण्यापेक्षा माघार घ्यावी
विजयाची रचना करावी
निर्धार करावा इतका पक्का
विजयाचा हुकमी एक्का
स्पर्धेत आपण टिकलं पाहिजे
शिवबाकडून काहीतरी शिकलं पाहिजे
नसेन तर पैठणी नेसेन
नाहीतर उघडी बसेन
हे काही ठीक नाही
असल्या विचारांच्या रक्ताचं
नक्कीच आपलं पीक नाही
कधीकधी स्थितीपुढे वाकलं पाहिजे
शिवबाकडून काहीतरी शिकलं पाहिजे
काय कामाची सदा ताठरता
वेळेनुसार ठेवावी लवचिकता
लावचिकतेत कमीपणा मानू नये
स्वतःच्या पायावर धोंडा हानु नये
संधी मानून पुढचं युद्ध जिंकलं पाहिजे
शिवबाकडून काहीतरी शिकलं पाहिजे
✍🏻श्रीकृष्ण उबाळे,चऱ्हाटा(बीड)
मो.9405344642
Visit:-aajchitika.blogspot.in
Very Good poem every one do as this
ReplyDelete