महामानव
महामानव
--------------
राजकारणाच्या दुकानासाठी
महामानव वापरावा लागतो
फायदा करून घेता येईल
तेवढा तो ढोपरावा लागतो
उदोउदोचा खेळ हेच
एकमेव तथ्य असते
विचाराशी देणेघेणे नाही
हे अगदी सत्य असते
संघटना,पक्ष,कार्यक्रमात
महामानव बॅनर असतात
प्रत्यक्षात मात्र खाऊराव
ठिकठिकाणी ओनर असतात
स्वतःचे विचार त्यांच्या नावे
सर्रास विकवले जातात
आपल्या मनातील आंबे
हवे तसे पिकवले जातात
माणसं जमण्या जमवण्याचा
महामानव एक फंडा आहे
फायद्यासाठी चौकटी करण्यात
अनेकांचा हातखंडा आहे
महामानवाच्या जयघोषात
अनेक दंगेही केले जातात
जातीय गुंतागुंतीचे उभे
अनेक पंगेही केले जातात
महामानव निर्मळ नदी असेल
असे वागणारे गटार असतात
सरळ असणाऱ्या विचारांवर
आडवे उभे पठार असतात
दुष्मणाच्या धोक्यापेक्षाही
भोंदूंचाच धोका असतो
नावावर लूट करण्याचा
त्या सर्वांचा मोका असतो
ओळखा कोण कसले आहे
कोण कुठे फसले आहे
जयघोष करीत असताना
विचारांचे वांगे वासले आहे
✍🏻श्रीकृष्ण उबाळे,बीड
मो.9405344642
Comments
Post a Comment